«Российын 100 эн сай сатужо» конкурсын регионысо йыжыҥжын участникше- влакым тергыме

                 «Российын 100 эн сай сатужо» программын Россий кӱкшытан конкурсшын регионысо йыжыҥжым эртарыме кышкарыште республикысе комиссий Волжск оласе «Полаир-Недвижимость» акционер ушем ден «Радакс» иземдыме ответственностя ушемыш миен. «Полаир-Недвижимость» Европышто ресторан, бар, кевыт да общепит предприятий- влаклан профессионал йӱкшемдыше оборудованийым лукшо ик эн кугу предприятий улеш. Конкурсыш тудо писын кылмыктыше аппаратым, йӱкшемдыше шкафым, машинам, ӱстелым, термоконтейнерым луктын. Комиссий нуным чыла ончен лектын. «Радакс» ушемым 2020-шо ийыште негызлыме. Предприятий коҥгам, термокамерым, коҥга горелкым ыштен луктеш. Конкурсыш конвекций коҥгам, пароконвектоматым, расстойка шкафым луктын. Конкурсын регионысо йыжыҥже тений очный да заочный формат дене эрта.