«Йоча тӱня» изи- влаклан пайрем лиеш

             Йошкар-Олаште икымше июньын «Йоча тӱня» изи- влаклан пайрем лиеш. Республике кӱкшытан мероприятий Самырык- влакын полатыштышт марий йылмым палыше але тудым тунемше икшыве- влаклан эртаралтеш. Тудо йочам аралыме тӱнямбал кечылан да Элысе калык- влакын тӱвыра поянлыкыштын  идалыкшылан пӧлеклалтеш. Пайремыш «Пеледше тукым», «Сеҥымаш корно дене», «Элем, тылат мурем» республикысе йоча онлайн-конкурслаште сеҥыше да призёр- влакым да йоча мер организацийлан 12 ияш деч изирак чолга ончыл еҥже- шамычым ӱжмӧ. Нунынлан шинчымашым пуышо да весела программым ямдылыме. Мутлан, «Модыш аланыште» марий йомак- влакын геройышт калык модыш дене палдарат да маскара конкурслам эртарат. Тыгак «Юзо шоҥ» шовын шоу лиеш. «Юзо эл» концертыште районласе школ да йоча садла гыч, Йошкар-Оласе куштышо да фольклор йоча ансамбль- влак да эстраде мурызо Владимир Матвеев усталыкыштым ончыктат.
              Республикысе марий тӱвыра рӱдерын фотожо.