Республикыштына икымше гана дуатлон дене Россий кӱкшытан таҥасымаш- влак эртеныт

           Республикыштына икымше гана дуатлон дене Россий кӱкшытан таҥасымаш- влак эртеныт. Тудым «Марий Чодыра» калыкле паркыште эртарыме. Старт- влак кок дисциплине дене лийыныт: дуатлон- тиде куржмо йыжыҥ, вара велогонко, вара адак куржмаш, кокымшыжо- эстафета- куржмаш да велосипед дене кайымаш, но команде дене: иктыже куржеш, весыже велосипед дене кудалеш. Вер моткоч келшыше лийын: куржашлан рок корно, а волыман да кӱзыман асфальт конро- велосипедлан. Таҥасымашышке Российысе лу ола гыч 70 спортсмен толын. Нунын коклаште лӱмлӧ спортсменат, тӱналше- влакат лийыныт. Таҥасымашын лектышыже почеш сеҥышыш Чебоксар гыч Роман Минеев лектын.
            Фото: «Ваш Новый День» газет.