Таче йочам аралыме Тӱнямбал кече палемдалтеш

            Таче йочам аралыме Тӱнямбал кече палемдалтеш. Марий Элым вуйлатышын сомылжым шуктышо Юрий Зайцев республикысе калыкым тиде чапле пайрем дене саламла. Йоча пагыт кажне еҥын илышыштыже кӱлешан йыжыҥлан шотлалтеш. Тиде жапыште койыш-шоктыш вияҥеш, усталык, талант почылтеш, илышыште мо шергыже уло, тудо вияҥеш. Изи личностьын вияҥмыже ача-аван тыршымыже, ешын шокшыжо деч шога. Йоча- мемнан тӱҥ поянлыкна да ончыкылыкна. Сандене социал политике кугыжанышын тӱҥ корныжлан шотлалтеш. Кызыт Президент Владимир Путинын пунчалже почеш, икшыван еш- влаклан кугу полыш пуалтеш. Ола ден яллаште йоча сад ден школ- влак, медицина тӧнеж ден спорт оралте- влак чоҥалтыт. Марий Эл правительствын тӱҥ задачыже- регионышто тӱҥалме вашталтышым умбакыже шуяш, сай шинчымашым налаш йӧным ышташ, лӱдыкшыдымылыкыштым эскераш да шӱм-чон ден тазалыкыштым вияҥдаш полшымаш. Поснак кугу тау ача- ава- влаклан икшывыштым ончен-куштымыштлан.- ойлалтеш республикым вуйлатышын сомылжым шуктышо Юрий Зайцевын саламлымашыштыже.
             Фото: Марий Элым вуйлатышын организаций да аналитик виктемже.