ПФО-што Марий Эл эн шуко илыме верым чоҥа
Илыме верым чоҥымо дене Юл кундем округышто Марий Эл рейтингыште ончыко лектын. Коронавирусын пандемийже шуко отрасльлан эҥгекым ыштен, чоҥымо пашамат ӧрдыжеш коден огыл. Округысо ятыр кундемыште илыме верым чоҥен шуктымаш шагалемын. Но Марий Элыште вес семын. Республикын округышто икымше верым налын. Рейтингым тенийсе икымше пелийлан ыштыме. Тичмаш налмаште кодшо ийысе тыгаяк жап дене таҥастарымаште шагалеммаш 11 утла процентыш шуын. Удмуртийыште, Саратов областьыште, Чувашийыште Татарстаныште 5 гыч 36 процент марте шагалемын. Чолганрак Пенза, Самара областлаште, Пермь крайыште чоҥеныт. А марий Элыште 143 тӱжем утла квадрат метр илыме верым пашаш колтымо. Тыге кодшо ийысе дечын кушмаш 34 процентыш шуын.