Йошкар-Ола воктелсе Апшакбеляк ялыште корным чоҥымо кумшо черетым мучашленыт

          Йошкар-Ола воктелсе Апшакбеляк ялыште корным чоҥымо кумшо черетым мучашленыт,- увертарен республикым вуйлатыше. Рӱдӧ олана деч 8-9 меҥге коклаште икмыняр ий ончыч шуко шочшан еш- влаклан посна пӧртым чоҥаш мланде участкылам ойырымо ыле. Ондак верысе калык инфраструктура укелан вуйым шийыт ыле. Инженер да урем-корно сетьым чынжымак тӱҥалтыш гычак ышташ верештын. Ондак лу меҥге наре кужыт корным тыгыде кӱ дене ыштыме. Объектым чоҥымо паша кодшо ийын ончылгоч оксам ойырымо кышкарыште тӱҥалын.- каласен Юрий Зайцев. Тидымат рашемден: эркын-эркын Апшакбелякым гына огыл, ола воктелсе моло илемламат вияҥдыме пашам умбакыже шуят.
           Фото: Юрий Зайцевын ВК-же.