Велосипед дене коштшо- влаклан корнышто коштмо правилым ушештареныт
Полицейский да мер пашаеҥ- влак велосипед дене коштшо- влаклан корнышто коштмо правилым ушештареныт. Мероприятийым эртараш МВД пеленысе общественный совет темлен. Молан манаш гын, уремыште велосипедист ятырлан шукемын, но шукыжо корно правилым ок эскере. Мутлан, 5-ше августышто кастене Чавайн бульварыште велосипед дене самырык еҥ 6 ияш ӱдырым тошкен. Тудыжо эмганен. Тиде ДТП-м ужшо- влакым увертараш йодыт. Рейдыште йолорва дене коштшо- влаклан лӱдыкшӧ деч посна коштмо тӱҥ правил- влакым ушештареныт, кушто уло гын, велокорно дене пайдаланыман, шуко еҥан верыште орава гыч волен, йолын кайыман. Йолешке- влакат вело корныш пурат да чаракым ыштат. Нунат тӱткӧ лийшаш улыт.