29 05 2019 Поро эр, Марий Эл [слушать]
Йочасадлаште тиде кечылаште выпускной пайрем-влак эртат. Кугурак группышко коштшо-влак садик дене чеверласат, ончылно нуным школ вуча. Мемнан передачынан унаже Екатерина Романова Йошкар-Оласе 10-шо номеран «Звёздочка» («Изи шӱдыр») йочасадыште пашам ышта. Тудо кок группылан воспитатель, шке ойлымыжла, 50 йочалан «кокымшо авашт» улеш. Кок группыжат тений йочасад гыч кая. Айста, пален налына, кузе йоча да воспитатель-шамыч садикыште выпускнойлан ямдылалтыт, кузе тудым вучат. Передачынан кокымшо ужашыштыже Российын сулло артистше, поэт Василий Регеж-Гороховын «Куэ» легендыжым колышташ темлена.