22 05 2019 Поро эр, Марий Эл [слушать]

Тунемме ий мучашке лишемеш. Школлаште выпускник-влаклан пытартыш йыҥгыр йоҥга, ончылно  нуным экзамен тургым вуча. 24 майыште индешымше классыште тунемше-влак йот йылме дене икымше экзаменым кучышаш улыт. А латикымше классым пытарыше-шамыч 27 майыште литератур да георгафий дене шинчымашыштым тергат. ЕГЭ-м эртарымашке да тыгак индешымше класс-влаклан кугыжаныш иктешлыше экзаменышке тений мом уым пуртымо нерген ме Марий Элысе туныктыш да шанче министерствын общий да дошкольный управленийжын вӱдышӧ специалист-экспертше Александр Илларионов дене мутланена. А передачынан кокымшо ужашыштыже Морко район Октябрьский интернат-школын туныктышыжо Софья Григорьевна Кузнецова да Мари-Турек районысо Нартасс интернат-школын воспитательже Татьяна Филипова дене палыме лийыда.