13 07 2020 "Поро эр, Марий Эл" [слушать]

Те телефонысо йӱкан полышкалыше Алиса нерген паледа? Тыгай программа дене шукын пайдаланеда докан. А теве вашке эше марий Алиса лиеш. Тудын дене марла мутланаш лиеш. Тидыже Роосийысе марий-влакын национально-культурный автономийыштын сеҥен налме грант пашашкышт пура. Тидын да грант окса дене эше могай паша ышталтме нерген автономийын председательже Лариса Яковлева каласкала. А теве Хант-Манси автономный округышто марий йылмым вияҥдыме шотышто могай паша ышталтеш, верысе «Марий ушемын» вуйлатышыже Раисия Сунгурова палдара.