22 06 2020 "Поро эр, Марий Эл" [слушать]
21-ше июньышто Медицина пашаеҥ-влак шке профессионал пайремыштым палемдышт. Куженер районысо Пӱнчерйымал ял ӱдыр Свветлана эше изиже годымак врач лияш шонен пыштен. 8-ше класс деч вара ачаже дене Йошкар-Оласе медицина колледжышке документым конденыт. Но ӱдырым сай отметкыжлан кӧра тунемаш налын огытыл. Тыгай оценка-влак дене медшӱжарлан огыл, врачлан тунемаш кайыман манын ойленыт да 10 классым тунемын лектыш темленыт. Школ деч вара Светланам Оренбургысо кугыжаныш медицина институт вучен. А таче тудо Марий Эл Республикын кӱшыл категориян врач-эндокринологшо. Мутем Светлана Ивановна Бочкарева нерген.