08 04 2019 Поро эр, Марий Эл [слушать]
Анатолий Васильевич Муравьев - Марий Эл республикын историйыштыже келге кышам кодышо айдеме. Изинек тунемаш да шуко палаш йӧратымыже тудлан историй шанче кандидат марте кушкашыже полшен. Школышто тунеммыже годымат тудо шке иктанашыже-влак деч эре изиш ончылнырак лийын, шке шонымашыже деке шуашак тыршен. Шуко ий вуйлатыме пашаште тыршен, ятыр шымлымаш да шанче пашан авторжо. Таче Анатолий Васильевич шке илыш-корныыштыжо вашлиялтше поро йолташыже да сай туныктышыжо-влаклан тау шомакым ойла…