03 04 2019 Поро эр, Марий Эл [слушать]
Шошым лум йымач тӱрлӧ паша шулен лектеш. Поснак кажне кечын гаяк ял озанлыкыште тыршыше-влакын сомылышт шукемын толеш. А кеч-могай пашамат шонен, шинчымашым пыштен, опытым налын ыштет гын веле сай лектышышке шуат. У тургым тӱҥалме деч ончыч пайдале семинар ден лекций-влак Йошкар-Олаште верланыше Агробизнес пашаеҥ-влакым уэш туныктышо Марий институтышто эртат. Занятий-влакым ял озанлык министерствын да вес тӧнежлан еҥышт, пошкудо регион да йот элла гыч толшо специалист-влак наҥгаят. Шукерте огыл ик тыгай погынымаш годым мыят тушко миен коштым да фермер-влак Серафима Каменская ден Леонид Кибардин дене вашлийын мутланышым.