06 02 2019 Поро эр, Марий Эл [слушать]

Кодшо ийын август тылзыште федерал законышто пеҥгыдемдыме вашталтыш почеш школышто шочмо йылмым тунемме годым ача-аван кумылжым шотыш налыт. Тидын нерген икымше классышке колтымо да икшывын визымше классышке вончымыж годым йодмаште ончыктыман. Тиде вашталтыш нерген кумданрак Марий Эл Республикысе туныктыш да шанче министерствын тӱҥ специалист-экспертше Сергей Свечников умылтара. Передачынан кокымшо ужаштыже те «Благовещенская башня» культур да ончер рӱдерын пашаж нерген пален налыда. Йошкар-Оласе калыкым да уна-влакым мо оҥай дене тудо у сезонышто куандараш тӱҥалеш? Тидын нерген тиде культур да ончер рӱдерын кураторжо Ирина Якаева каласкала.