04 02 2019 Поро эр, Марий Эл [слушать]

Республикыште кокымшо арня военно-патриотический месячник эрта.Тудын кышкарыште самырык тукымым патритоизм шӱлышеш куштымо шотышто ятыр мероприятий, оҥай вашлиймаш да спорт таҥасымаш-влак эртаралтыт. Такшым гын тыгай паша кӱрылтдӧ, идалык мучко шуйна. Йоча-влак дене мутланыме годымат шочмо элым йӧратыме кумылышт шижалтеш. Теве Шернур районысо 1-ше номеран школышто кадет класс икте веле огыл.ОБЖ предметым ты школышто Руслан Паймаков туныкта. Тудо шке пашажын кӱлешлыкшым пеш сайын умыла, ӱдыр-рвезе-влак пеҥгыде койыш-шоктышан, кугу вий-куатан лийышт манын тырша.

Тений 15-ше фервальыште Афган мланде гыч совет войскам лукмылан 30 ий темеш. Афган мландыште ужмо неле-кочым нине пӧръеҥ-влак ойлаш огыт йӧрате. Но нунын патырлык ден лӱддымылыкышт нерген оҥ тич пижыктыме орден да медальышт, чалемше ӱпышт да патриотизм нерген ойлымо годым шинчашт гыч йоген лекше шинчавӱд ойла. Ик тыгай еҥ дене мый Шернур кундемыштак вашлийым. Николай Иванов армийыште служитлыме пагыт нигунам огеш мондалт манеш…