18 06 2021 "Поро эр, Марий Эл" [слушать]

Кеҥеж пагыт кажне айдемылан сылне: йырваш чыла ужарга, пеледыш-влак пеледалтыт. Кенежым, оксам ыштен налашат шукырак йӧн уло, канашат кеч-кушто лиеш: эҥер, ер, теҥыз воктене, колым кучаш, йӱштылаш, чодыраште емыжым, понгым погаш, сад-пакчаште шогылташ. Икманаш, кеҥеж жапым кузе эртараш манын, кажне еҥ шкеже ойыра. Тидым шотыш налын, меят тӱрлӧ аланыште пашам ыштыше, шке вийжым тергыше икмыняр ӱдыр дене вашлийынна да кузерак нуно тиде пагытым эртарат манын йодыштынна.