02 06 2021 "Поро эр, Марий Эл" [слушать]
Савинысе йоча интернат-пӧртыштӧ идалык мучко 170 наре икшыве ила. Южыжо тышке жаплан гына толеш, а кудыжылан гын, йоча пӧрт – тиде уло тӱня. Ӱдыр-рвезе-влак сай тазалык, виян уш-акыл дене моктанен огыт керт, пеш неле пӱрымашан улыт. Кажныжлан медицине, социал могырым полыш кӱлеш, посна келыштарыме тунемме-шуарыме программе. Воспитатель, туныктышо, медшӱжар-влак нуным шке икшывышт гаяк ончат. Йочам йӧратыше, чаманыше, нунын илыш ситуацийыштым умылышо, пеш поро чонан еҥ гына тыште пашам ыштен кертеш. Нунын кокла гыч икмынярышт дене мутланымашнам «Поро эр, Марий Эл!» передачыште колыштса.