05 04 2021 "Поро эр, Марий Эл" [слушать]

«Мый вет спортсмен огыл, тыглай тракторист веле улам», - ойла республикыштына сайын палыме марафонец Валерий Токтаров. Тидын годым кыртмен пашам ыштымын лектышыже спортыштат, ял озанлыкыштат моткоч тӱвыргӧ. Валерий Валентинович ӱмыржӧ мучко шочмо Шернур районыштыжо мланде да вольык ончымо пашаште тырша. Кодшо ий шыжым тудым «Россий Федерацийысе ял озанлыкын сулло пашаеҥже» чап лӱм дене палемденыт.