24 03 2021 "Поро эр, Марий Эл" [слушать]

««Ший» ийготыш шуынна гынат, чон дене ончычсо гаяк самырык улына!», - каласышт мыйын у палымем-влак. Рушлаже нуным «серебряный» волонтёр маныт. Поро кумылым ончыктышо коча-кова-шамыч дене Марий кундемна кугешнен кертеш. Шукерте огыл Самырык-влакын полатыштышт «ший» доброволец-влакын икымше республикысе погынымашышт эртыш. Тушко ола ден районла гыч 100 наре чолга еҥ толын ыле. Форум гыч репортажым колышташ темлем.