Марий Элым вуйлатыше Москошто Россий Правительствым вуйлатыше Михаил Мишустинын эртарыме стратегий сессийыште участвоватлен

              Марий Элым вуйлатыше Юрий Зайцев Москошко паша дене мийымыже годым Россий Правительствым вуйлатыше Михаил Мишустинын эртарыме стратегий сессийыште участвоватлен. Погынымаш Российысе вице-премьер- влакын федерал округлаште куратор семын ыштыме пашаштын лектышыже почеш эртаралтын. Премьер- министр увертарен: 2023-шо ий мучашлан бюджетдыме инвестицийым 9 триллион наре теҥгем кондаш йӧн лийын. Эртыше кок ият пелыште 230 тӱжем утла пашаверым ыштыме, сату ден полышым куд миллиардат 500 миллион теҥгелан пуымо. Тидыже Правительство ден субъект- влак коклаште пайдале вашкылым ыштыме, федерал округла коклаште пошкудо регион- влак коклаште вашкыллан йӧным ыштыме нерген ойла. Мишустин палемден: регионлаште куратор- влакын чолган полшымышт дене 357 инициативе шыҥдаралтеш. Кураторство институт кышкарыште Марий Элыште республикым вияҥдаш влиянийым ыштыше вич кугу проект шыҥдаралтеш. Кураторство проект кышкарыште 77 инвестиций проектым шыҥдараш палемдыме. Кызыт 45-шым шыҥдарыме, 32-шо дене паша шукталтеш. 2022-шо - 23-шо ийлаште тӱжемат 400 у пашаверым почмо, 18 миллиардат 400 миллион теҥге бюджетдыме инвестицийым кондымо, 45 миллиард  утла теҥгелан ешартыш сатум лукмо.
             Фото: Марий Элым вуйлатышын  администрацийжын увер дене пашам ыштыше пӧлкаже.