Марий Элыште тений верысе инициативым поддержатлыме программе почеш икымше проектым шыҥдарыме

               Марий Элыште тений верысе инициативым поддержатлыме программе почеш икымше проектым шыҥдарыме. Медведево районысо Ежово селан ик уремыштыже уремысе электротулым аныкан системе дене вашталтыме. Верысе калыкын йодмашыже конкурсышто сеҥен да ешартыш софинансирований оксам 100 тӱжем теҥге наре налын. Тений Марий Эл Правительстве верысе инициативылан полшымо программылан 70 миллион утла теҥгем ойырен. Конкурсым эртыше 79 проектым илышыш шыҥдараш палемдыме. Кодшо ийын корным олмыктымо, кудывечылам тӱзландарыме, уремым волгалтарыме, шӱк-куштырам погымо площадкылам ыштыме, моло кумдыклан уло республике мучко тӱзландарыме шотышто 72 проектым илышыш шыҥдарыме. Тиде пашалан 50 миллион теҥгем ойырымо ыле. Экономически вияҥмаш министерствын ончыктымыжо почеш 2025-ше ийлан йодмашым налаш ямдылалтыт. Ойырен налме конкурс икымше апрель гыч 1-ше сентябрь марте эрта. Тӱткышым верласе корно, тӱшкан каныме вер да мемориал объект- влаклан ойыралташ тӱҥалеш.
          Фото: Экономически вияҥмаш министерстве.