Чыла «шӧртньым» марий спортсмен- влак сеҥен налыныт

Кодшо кечылаште Владимир областьыште йолын коштмо  туризм спорт дене Российын  Первенствыже эртен. Игече пеш кундарен огыл гынат, Марий Элын командыже таҥасымашын чыла шӧртньӧ медальжым сеҥен налын. Тыге команде дене икымше верыш лектын.  Йолын коштмо дистанцийыште Михаил Тарасов ден Ксения Мубаракшина, йолын коштмо связка кужытышто Рустам Урдяков ден Михаил Тарасов шӧртньӧ медаль дене палемдатыныт, Алексей Ямаев ден Вячеслав Демьянов той медальым налыныт. Ӱдыр- влак коклаште тыгаяк кужытышто сеҥышыш Ксения Мубаракшина ден Екатерина Николаева лектыныт.