31 05 2023 «Поро эр, Марий Эл» (Советский район, Верх-Ушнур)

Советский районышто федерал программе почеш Ӱшнур школым капитально олмыктат. Чоҥышо-влак 1 август марте чыла палемдыме пашам ыштен шукташ сӧрат. Школым уэмдыме паша кузерак кая? Тидын нерген директоржо Валерий Фёдорович Галкин каласкала. Тыгак Ӱшнур селаште лишыл жапыште верысе паркым тӱзаташ тӱҥалшаш улыт. Ты проект дене ял шотан илем администраций вуйлатыше Виктор Геннадьевич Ельмекеев палдара. Передачынан эше ик ужашыже Кумарий кундемым чапландарыше шуко шочшан ава-влаклан пӧлеклалтеш.