23 01 2023 «Поро эр, Марий Эл» (Бусыгин А.В.)

Икымше профессийже почеш тудо машинист-экскаваторщик. Икымше пашаверже – Параньга районысо «Знамя» колхоз. Изинек гармоньым шокта, но икымше семӱзгарым шкаланже 50 ияш лӱмгечыжлан веле налын. Лач тынаре теме январь тӱҥалтыште Марий Элын сулло артистше Андрей Бусыгинлан. 5-ше февральыште М.Шкетан лӱмеш театрын уста актёржо шке йолташыже-влакым, усталыкшым аклыше-шамычым бенефисышкыже чумыра.