21 12 2022 "Поро эр, Марий Эл" (Республикысе волонтёр толкын)

Марий Элыште илыше калык кӱлеш годым икте-весылан полыш кидым шуялташ эреак ямде.  Тидым спецопераций пеҥгыдемдыш. Ола ден районлаште чолга еҥ-влак гуманитар полышым погат, салтак-влаклан меж носким пидыт. Тыгак нуно нелылыкыш логалше шке пошкудышт нергенат огыт мондо. Волонтёр пашаште ойыртемалтше-влакым кодшо изарнян Рӱдоласе Самырык-влаклан полатыште республикысе погынымаште суап кагаз да пӧлек дене палемденыт. «Поро эр, Марий Эл!» передачыште Курыкмарий, Параньга, Шернур, Мари-Турек, Советский, Провой кундемла гыч толшо доброволец-влак дене палдарем.