21 09 2022 "Поро эр, Марий Эл" ("Кугу Какшан" заповедник)
Кеҥежым Марий кундемыште икмыняр гана йӱдвел волгалтыш (северное сияние) кончен. Тыгак тымарте мемнан дене вашлиялтдыме икмыняр кайыкым, копшаҥгым, кушкылым мумо. Биолог, шанчызе деч посна пӱртӱсым шымлымаште кугу полышым тыглай кумылан еҥ-влак ыштат. А тыгайже мемнан коклаште шагалын огытыл. Чыла тидын нерген тачысе передачыште "Кугу Какшан" заповедникын кугурак шанче пашаеҥже Геннадий Богданов дене мутланена.