20 03 2019 Поро эр, Марий Эл [слушать]

  ООН-ын 2012 ийыште пеҥгыдемдыме пунчалже почеш 20 мартым Пиалын тунямбал кечыже семын увертарыме. Пайрем эше самырык гынат, моткочак кӱлешан. Вет кажныже ты тӱняште пиалан лийшаш. А пиалже мо лиеш? Ик мут дене каласашыжат огеш лий, кажныже тудым шке семын умыла. «Пиалым иктат ямдым конден ок пу, тудым шкалан чоҥыман да тудым аклен моштыман», - ойла ял озанлык науко кандидат Эльвира Пирогова. Эльвира Ионовна сад-пакчам куштымо мастрарлыкше дене ойыртемалтеш. Профессий дене тудо агроном. Марий кугыжаныш университетым пытарымеке, шке жапыштыже тудо колхозышто, варажым Йошкар-Олашке куснымеке, университетын агробиостанцийыштыже пашам ыштен. Ял озанлык  шанче паша дене кандидатлык диссертацийым арален гынат, тудын паша корныжо школышко савырнен. Ончыч Йошкар-Оласе 19-ше номеран школышто, а кызыт 30-шо номеран школышто тудо технологий урокым вӱда, йоча-влакым сад-пакча пашалан шӱмаҥда. Тачысе передачыште тиде чолга марий ӱдырамаш дене вашмутланымашнам колыштыш темлем.