10 01 2022 "Поро эр, Марий Эл" [слушать]

Лидия Иксанова. Тиде чолга ӱдырамаш виян туныктышо, тале мер пашаеҥ, уста поэтессе, марий йылмым аралыме верч пеҥгыдын шогышо айдеме семын палыме. Декабрь мучаште тудо чапле лӱмгечыжым палемдыш. Тиде кечын Лидия Геннадьевна Москошто шочмо йылмым туныктышо-влакын Россий кӱкшытан мастар-классыштышт лийын. Икмыняр ий почела тудо ты кугу конкурсышто жюриште.