07 09 2020 "Поро эр, Марий Эл" [слушать]
Кеч-могай пагытыште ялыште туныктышо эн пагалыме еҥ лийын. Ушан-шотан, шуко палыше да моштышо, тӱрлӧ у пашалан кумылаҥдыше. Ӱдырамаш туныктышо гын шуко икшывылан кокымшо аваже гай лиеш. Шернур районысо Шӱдымарий школын туныктышыжо, кызыт сулен налме каныште улшо Ольга Николаевна Агачева лач тыгай педагог-влак радамышке пура. Мудреч, поро улмыжлан тудым ялыште изижге-кугужге пагалат, аклат, йӧратат.