06 12 2018 Поро эр, Марий Эл [слушать]

Тиде передачыште тӱвыра аланыште тыршыше-влакын пашаштым канашена. Идалык могай лектышан лийме нерген У Торъял, Шернур да Звенигово районласе тӱвыра пашаеҥ-влак каласкалат. У Торъял районышто тачысе кечылан 18 культура пӧрт пашам ышта. Нуным районысо рӱдӧ клуб система ушен шога. Ты тӧнеж вуйлатышын алмаштышыже Роза Соколова кажныже нерген шуко ойлен кертеш:
иктыштым ачалаш кӱлеш, весылан концертлык вургемым ургаш, кумшышто кружок пашам вияҥдаш але эше иктаж пашам эртарен колташ. Шернур районышо тӱвыра пӧрт-влакым ушен шогышо системым Валентина Антонова вуйлата. Тудо «районын чапшым эре кӱшнӧ кучаш тыршена» манын палемда. Провой кундемын кульутра илышыже нерген Звенигово районысо каныме да тӱвыра рӱдерын методистше Светлана Гаврилова ойла.