01 02 2023 «Поро эр, Марий Эл» (Химий дене олимпиаде)
Марий Элыште школышто тунемше-влаклан Россий кӱкшытан олимпиадын регионысо этапше умбакыже шуйна. Кодшо изарнян Марий кугыжаныш университетыште самырык химик-влак погыненыт ыле. Чылаже ты таҥасымашке 31 ӱдыр-рвезе ушнен. Нунын кокла гыч иктыже - Политехнический лицей-интернатыште 10 классыште тунемше Милана Алексеева. Ончыкыжым эмлызе лияш шонышо марий ӱдыр дене передачыште лишкырак палымым ыштем. Тыгак олимпиаде годым У Торъял школышто ятыр ий химий предметым туныктышо, Марий Эл Республикысе туныктышын сулло пашаеҥже Лилия Эриковна Глушкова дене мутым вашталтышна. Школ илыш нерген тӱрлӧ йодышым Волжский районысо Приволжский школышто ИКН предметым туныктышо, волонтёр пашам вӱдышӧ Лидия Васильевна Картузова дене тарватышна.