«Марий Эл» ГТРК-ын шӧртньӧ фондшо гыч. «Оръеҥ мелна» радиоспектакль

Арсий Волковын «Оръеҥ мелна» пьесыже почеш шындыме радиоспектакльым плёнкыш 1964-ше ийыште возен налме. Рольым Шкетан лӱмеш театрын артистше-влак: Марий АССР-ын калык артисткыже Мария Сапожникова,Марий АССР-ын сулло артисткыже Любовь Булычева,РСФСР-ын сулло артисткыже Анастасия Страусова, Марий АССР-ын сулло артисткыже Вера Мазикова,Марий АССР-ын калык артистше Иван Никитин да молат модыт. Вӱдышӧ Арсий Волков. Арсий Волковын «Оръеҥ мелна» комедий-водевильже, тачысе колхоз ялын илышыжлан,тусо самырык-влаклан пӧлеклалтын. Икманаш, автор улан илышым чоҥымаште уло вий дене тыршаш, у айдемым кушташ - чыла тидым кузе илышыш пуртымым шке водевильыштыже ончыктен пуэн, тачысе айдемын койышыштыжо да пашаштыже улшо ситыдымашым воштылын.Радиоспектакль Марий радион «шӧртньӧ» шӧрлыкыштыжӧ аралалтеш да эше кужу жап,очыни, колыштшо-влакым куандараш туҥалеш…