22 04 2021 "Кечывал радиоканал"

Вияш эфирнан унаже-влак республикыштына сайын пагалыме, моткоч пагалыме чолга марий ӱдырамаш-влак улыт. Тиде  - Марий Эл тӱвыран сулло пашаеҥже, Россий писатель ушемын еҥже, пашан ветеранже поэтесса Раисия Ивановна Николаева – Мардан Рая да марий серызе Юрий Артамоновын пелашыже, Раисия Ивановнан ӱшанле йолташыже Лидия Ивановна Артамонова. Нуно коктынат тений чапле 75 ияш лӱмгечыштым палемденыт.