15 11 2023 «Эркече» (Надежда Васканова)

Москваште Марий Эл нерген шукырак палаш тӱҥалыт. ВДНХ-ште «Россия» лӱман тӱнямбал кӱкшытан ончер-форум пашам ышта. Кумда элнан чыла регионлаже шке эртыме корнышт, тӱвыра ойыртемышт да тачысе сеҥымашышт дене палдарат. Марий Эл Республикат поян стендым чумырен. Ончер нерген Тимофей Евсеев лӱмеш калыкле тоштерын шанче да шинчымашым шарыше пӧлкажым вуйлатышыже Надежда Васканова каласкала.