Рӱдолаштына йочан праважым аралыме нерген мутланыме

Йошкар- Оласе калыкле президент школ-интернатыште «Компас прав ребёнка» конференций эртен. Тушто йочам аралыме республикысе системым вияҥдыме йодышым каҥашыме. Секцийлаште тыгак тӱвыра, самырык политике, спорт да туризм, социал аралтыш, тазалыкаралтыш, туныктымаш да пашавер служба системыште йочан праважым аралыме шотышто регионысо практике да темлымаш- влакым лончылымо. Правительстве председательын алмаштышыже Илга Дравниеце палемден: йочалан да икшыван ешлан сай йӧным ышташ манын, кугыжаныш структура ден мер институтлан вийыштым пырля ушымаш тӱҥ задаче семын шога. «Шонанпыл» йоча ушемым вуйлатыше Лариса Лоскутован мутшо почеш, республикын историйыштыже икымше гана тыге тӱшкан погынымо да илышын чыла йыжыҥыштыжат йочан праважым аралыме нерген мутланыме. Правительствын еҥышт да министр- влакын ушнымышт йодышын пӱсын шогымыж нерген ойла.