Мӱкшым ончымо пашам шанче-практик конференцийыште каҥашаш тӱҥалыт

                  Кундемыштына мӱкшым ончымо пашам вияҥдыме йодышым шанче-практик конференцийыште каҥашаш тӱҥалыт. Регион- влак кокласе кӱкшытан «Марий калыкын курымла дене шуктымо илыш-йӱла тӱвыраже» лӱман шанче- практик конференций 15-ше сентябрьыште Медведево район Ким ялысе «Уна Кудо» этнографий комплексыште лиеш. Форумышто марий калыкын мӱкшым ончымо пашажын вияҥ толымжым тӱрлӧ велым, келгын шымлаш палемдыме. Погынышаш еҥ- влак коклаште шанчыеҥ, юмын йӱлан еҥышт, мемнан да пошкудо кундемла гыч мӱкшым ончышо-влак улыт. Форумым «Марий ушем» организаций Тӱвыра министерствын да Марий тӱвыра рӱдерын полшымышт дене эртара.