«Финн-угор тӱнян тӱвыра рӱдыверже» лӱмым Эстонийысе ола сеҥен налын
Финн-угор тӱнян тӱвыра рӱдывержылан Абья-Палуоя олам ойырен налме. Эстонийысе тиде ола 2021-ше ийыште «Финн-угор тӱнян тӱвыра рӱдыверже» лӱмым нумалаш тӱҥалеш. Конкурсын лектышыжым таче увертарыме. Тиде ола Мульги волостьын рӱдыжлан шотлалтеш. Тушто тӱжемат 124 еҥ ила. Тиде кӱкшӧ лӱм верч тыгак Мордовий гыч Подлесная Тавла ял кучедалын. Кызыт тӱвыра рӱдывер лӱм дене Башкортостанысе Мишкан марий села ила. Тудо «Финн-угор тӱнян тӱвыра рӱдыверже» лӱмым нумалше шымше илем.
