Йошкар-Олаште фигурнын мунчалтымаш дене Россий кубкын кокымшо йыжыҥже умбакыже шуйна

           Йошкар-Олаште фигурнын мунчалтымаш дене Россий кубкын кокымшо йыжыҥже да синхронный мунчалтымаш дене «Марий вашлиймаш- влак» Россий кӱкшытан таҥасымаш «Марий Эл» ий полатыште 12-шо гыч 14-ше январь марте эрта. Ий ӱмбаке 12 регион гыч спортсмен- влак лектыт. Синхронистке- влакын командышт Татарстан, Санкт-Петербург, Моско, Ямал-Ненец автоном округ, Свердлов, Угарман, Самара, Тула, Томск, Владимир, Моско да Архангельск областьла гыч толыныт. Таче кокымшо спорт разрядан команде- влак таҥасеныт. Эрла Таҥасымашым почмаш, икымше разряд, спорт мастерыш кандидат, спорт мастер- влакын командышт ӱчашат. Почмаш 14 шагатлан тӱҥалеш, 19 шагатлан сеҥыше- влакым саламлат. 14-ше январьыште 11 шагатат 50 минут гыч спорт мастерыш кандидат- влакын да спорт мастер- влакын командышт таҥасат да сеҥыше- влакым саламлымаш лиеш.
           Фото: «Марий Элыште спорт».