9 12 2019 "Поро эр, Марий Эл" [слушать]

Тиде кечылаште республикыштына моткоч шуко тӱвыра мероприятий эрта. Йошкар-Оласе тӱвыра тӧнеж ден полатлаште кажне кечын гаяк тӱрлӧ мурышо да куштышо коллектив-влак чумыргат. 5-ше декабрьыште, мутлан, Ленин лӱмеш тӱвыра полатыште иканаште кок пайрем эртаралте.

Иктыже – сарын да пашан ветеранже-влакын хорышт да мурышо ансамбль-влак кокласе фестиваль. Весыже - «Калыкын чонжо» Марий Эл Республикысе правительствын премийже дене палемдалтше-влакым саламлымаш. Колыштса нине кок мероприятий гыч реопртажым.