23 06 2023 Поро эр, Марий Эл (До и после 55)

Йошкар-Оласе Рӱдӧ книгагудо пеленысе "До и после 55" клуб кугу опытан библиотекарь Валентина Акилбаевалан кӧра шочын да кызытат пашам ышта. Ты ушемын чолга еҥже-влак коклаште – 90 ияш Фаина Степановна Москвичёва. Тудын Кугу Ачамланде сар жап нерген шарнымашыже-влак мыланна моткоч шерге улыт. Тыгак клубын вес еҥже Ирина Ивановна Корякинан мурымыжо кажне вашлиймашым сӧрастара, тудлан эсогыл «Голос 60+» проектын участникше лияш темленыт. Возгалаш, мураш, кушташ йӧратыше, уста коча-кова-влак шукерте огыл "Марий кеҥеж" фестивальыш ушненыт. Павел Глезденёв лӱмеш скверыште эртыше сылнымут вашлиймаш гыч репортажым колышташ темлена.