23 04 2020 "Поро эр, Марий Эл" [слушать]

Тенийысе шошо моткоч ойыртемалтше.  Моткоч вашке, ала-кузе шижде тольо, илышышкына шуко вашталтышым пуртыш. Пӱртӱсын ик эн сылне пагытшым вес семынрак эртараш шоненна гынат, саманын йодмашыже дене келшыде огына керт. Шукыштлан кызыт мӧҥгыштӧ шинчыман. А теве ял озанлык пашаеҥ-влак тидым ыштен огыт керт. Таче мый тендам Морко районышто ышталтше паша дене палдарынем.