19 04 2023 «Поро эр, Марий Эл» (Кошпаева Э.И.)

Шукерте огыл Оршанке посёлкышто педучилищым почмылан 60 ий темын. Пытартыш жапыште тушто шуко ваштылтыш лийын. 2015 ийыште индустриальный техникум дене ушымеке, ты тунемме тӧнеж шуко профилян колледжыш савырнен. Тудо ынде туныктышо да воспитатель-влакым гына огыл, тыгак повар-кондитер, программист да машинам ачалыше мастар-влакымат ямдыла. Кузерак Иннокентий Глушков лӱмеш шуко профилян колледжыште тенийсе лӱмгече идалык эрта, мо дене ты тунемме тӧнеж ила? Тидын нерген колледжыште туныктымо паша шотышто пӧлкам вуйлатыше Эльвира Ивановна Кошпаева дене мутланенна.