09 12 2020 "Поро эр, Марий Эл" [слушать]
Мемнан передачынан унаже – Оршанке вел Чирки ялыште шочын-кушшо, пашан ветеранже, краевед Алексей Макаров. Алексей Степанович йоча годсекак фотосӱретым ышташ кумылаҥын. Эн ончыч ешыжым, родыжым, пошкудыжым войзен. А вара шочмо ялын историйже нерген фото-влакым чумыраш тӱҥалын. Кызыт тудын коллекцийыштыже шым кӱжгӧ альбом погынен. Тиде поянлык негызеш тудо Чирки ял нерген книгам лукнеже. Алексей Макаров профессий дене шофёр. Умыржӧ мучко машинам виктара гынат, шӱм-чоныштыжо краеведений паша ила.