07 06 2023 «Поро эр, Марий Эл» (Советский район, "У илыш")

Ӱшнур кундем гыч «У илыш» колхоз шошо агам районышто кажне ийын ик эн ончыч мучашла. Ты озанлыкын уста механизаторжо-влак да озанлыкын тӱҥ инженерже Сергей Рыбаков дене машинавечыште вашлийын мутланышна.  Тыгак вольыкым ончымо комлексышкат миен савырнышна. Шукерте огыл чоҥымо презе вӱташте, ушкал фермыште у технологий-влакым пуртымо дене паша палынак куштылемын. «Ял озанлыкыш толаш кумыланже веле шагал, поснак самырык коклаште», - палемдышт комплекс вуйлатыше Елена Бастракова ден озанлыкын тӱҥ агрономжо, вуйлатышын алмаштышыже Надежда Богачук.