16 06 2023 «Кечывал радиоканал» (Тукымвож йонгалтыш)
«Тукымвож йоҥгалтыш» лӱман черетан фестиваль-конкурс кодшо арнян Советский посёлкышто эртыш. Визымше гана тудо Марий Элнан тӱрлӧ районлаже гыч толшо усталык коллектив-влакым иквереш погыш. Марий тӱвырам, фольклорым аралаш, самырык-влак коклаште усталык шӱлышым вияҥдаш, тӱрлӧ коллектив дене палымым ышташ – «Тукымвож йоҥгалтыш» фестивальын тӱҥ шонымашыже. (Фотом Советский районысо рӱдӧ клуб системын сайтше гыч налме)