26 10 2023 «Эркече» (Белкова С.М.)

М.Шкетан лӱмеш марий драме театрыште «Эреҥер» спектакль 3 гана, «Ачийжат-авийжат» 6 гана шындалтыныт. Мутлан, икымше гана «Ачийжат-авийжат…» спектакльым 1923 ийыште пьесын авторжо – марий сылнымутын классикше – М.Шкетан шкежак шынден. Кызытсе постановко – Олег Иркабаевын. Пытартыш «Эреҥер» спектакль – Роман Алексеевын пашаже. Тиде кечылаште нуным уэш калык ончыко луктыт. Кугарнян, 27-ше октябрьыште, - «Эреҥерым», шуматкечын, 28-ше октябрьыште, - «Ачийжат-авийжатым». М.Шкетанын произведенийже-влак почеш шындыме спектакль-влак нерген театрыште сылнымут пӧлкам вуйлатыше С.М.Белкова дене мутланена.