13 12 2023 «Эркече» (Фестиваль "ЛУЧ")

  Поро йӱла почеш декабрь тӱҥалтыште начар тазалыкан еҥ-влаклан пӧлеклалтше декаде эртен. Тӱрлӧ сынан мероприятий-влак кокла гыч усталык фестиваль-шамычын пайдале улмышт нерген таче поснак палемдыме шуеш. 1 декабрьыште Марий Эл гыч икмыняр коллектив ден посна участник Озаҥ олаште «ЛУЧ» лӱман фестивальыш миен коштыныт. Мурымаште, куштымаште, сылнымутым лудмаште ойыртемалтше уста да моткоч пеҥгыде кӧргӧ вий-куатан еҥ-влак дене передачыштына палдарена.