Ялозанлыкым вияҥдаш Кугыжаныш погынын депутатше-влак Моркышто заседанийым эртареныт
Марий Элын кугыжаныш Погынжын агропромышленный комплексым вияҥдыме, экологий да пӱртӱс дене пайдаланыме шотышто комитетын черетан заседанийже Морко районысо «Передовик» ялозанлык артельыште эртен. Депутат-влак «Марий Элыште ялозанлыкым вияҥдыме шотышто» законын шукталтмыжым верышке лектын каҥашеныт.
