Волжск районышто «Приволжский» чывефабрикыште кум вӱташте сурткайык-шамыч коленыт

«Приволжский» чывефабрике Марий Элыштына ик эн кугу озанлыклан шотлалтеш. Предприятийыште чыве шылым, муным, шыл йӧрварым ыштен луктыт. Республикысе ветеринарий комитетын лабораторийыште шымлымашым иктешлымек, колышо чыве-шамычын грипп чер улмым рашемденыт. Кызытеш «Приволжский» фабрикын пашажым тӱрыс чарыме.