21 01 2023 «Шуматкече вашлиймаш» (Скандинав коштмаш)
«Ида ӧркане, коштса!», - тыгай тыланымашым ойлат «Йолгорно» республикысе скандинав коштмаш рӱдерын вуйлатышыже Алексей Алексеев да тудын чолга еҥже-влак Анна Данилова ден Валентина Маслова. Тыгай коштмашын пайдажым нуно моткоч сайын палат да молыланат ты толкыныш ушнаш темлат. Тоя дене коштшо еҥ деч эн ондак «Кушто ечыдаже?» йодшо-влакат лийыныт гын, кызыт сӱрет вашталтын. Ий гыч ийыш спорт туризмын ты видше мемнан республикыштына вияҥеш. Эсогыл йӱдвел коштмаш дене Российын икымше таҥасымашыжымат лач Марий Эллан эртараш ӱшаненыт.